რუსთავი2-ის გენერალური დირექტორის, ნიკა გვარამიას, თქმით, როდესაც ივანიშვილი ხელისუფლებაში მოვიდა, დარწმუნებული იყო, რომ ასეთი შანტაჟის მსხვერპლი იქნებოდა.
“ის, ვინც იძიებს და ვინც დანაშაულს სჩადის, არის ბარიკადების ერთ მხარეს, ამიტომ გამორიცხულია, რომ ეს საქმე გამოძიებული იქნას. ოღონდ, ეს ახლა, თორემ ეს საქმე აუცილებლად მივა ბოლომდე. თუ ბიძინა ივანიშვილს სჯერა, რომ სამუდამოდ არის ხელისუფლებაში, ეს უკვე ძალიან მძიმე დიაგნოზია და ნიშნავს, რომ კიდევ უფრო სწრაფად წავა, ვიდრე ჩვენ გვგონია. ყველა საქმე იქნება გამოძიებული ბოლომდე. მე ეს ყველაფერი არ მიკვირს. 2012 წელს, როდესაც ივანიშვილი ხელისუფლებაში მოვიდა, დარწმუნებული ვიყავი, რომ ვიქნებოდი ასეთი შანტაჟის მსხვერპლი. მე პირადად ბიძინა ივანიშვილი მაშანტაჟებდა, სხვების მეშვეობით,“ - განაცხადა ნიკა გვარამიამ.
მისი მტკიცებით, ბიძინა ივანიშვილი საზოგადოების მსგავს რეაქციას არ ელოდა და ის დღეს განტევების ვაცს ეძებს.
