კრემლის პრესსპიკერის, დმიტრი პესკოვის განცხადებით, რუსეთის პრეზიდენტმა ვლადიმირ პუტინმა კიევზე დარტყმების სამი დღით შეჩერების ბრძანება გასცა.
„პუტინმა გასცა მითითება, რომ დღეიდან, შუაღამიდან, სამი დღის განმავლობაში კიევზე დარტყმები არ განხორციელდეს“, - განაცხადა პესკოვმა.
მისი თქმით, დარტყმების შეჩერება დაკავშირებულია აშშ-ის პრეზიდენტის სპეციალური წარმომადგენლის სტივ უიტკოფისა და დონალდ ტრამპის სიძის, ჯარედ კუშნერის, კიევში დაგეგმილ ვიზიტთან.
კრემლში სხვა დეტალები არ გაუვრცელებიათ.
