დღეს, 10 აგვისტოს, თელავის რეფერალურ ჰოსპიტალში „სამედიცინო კორპორაცია ევექსის“ ორგანიზებით, იმ ბავშვებს ვისაც კარდიოლოგიური პრობლემები, გულის თანდაყოლილი და შეძენილი მანკები აქვთ, უფასო სამედიცინო კონსულტაციები და კარდიო ექოსკოპიური კვლევები ჩაუტარდებათ.
კარდიოლოგიური პროფილით პაციენტებს კონსულტაციებს თბილისიდან მოწვეული, იაშვილის სახელობის ბავშვთა საავადმყოფოს კარდიოლოგები ჩაუტარებენ.
ექიმებთან მიღება დაიწყო 11:00 სთ–ზე და გაგრძელდება 18:00 სთ–მდე. აგვისტოს ბოლოს თბილისში, იტალიელი კარდიოქირურგების გუნდი ჩამოდის, რომლებიც ქართველ ექიმებთან ერთად, იაშვილის სახელობის ბავშვთა საავადმყოფოს კარდიოქირურგიის განყოფილებაში, გულის მანკების მქონე ბავშვებში ოპერაციებს ჩაატარებენ.
