დარიალის ხეობაში მეწყრის შედეგად დაზიანებული გზის გახსნის სავარაუდო დრო სტიქიის ზონაში პრემიერ-მინისტრის ჩასვლის შემდეგ გახდება ცნობილი.
ირაკლი ღარიბაშვილი მიმდინარე სამუშაოებისა და არსებული ვითარების შესახებ ანგარიშს მოისმენს, ასევე ადგილზე გაეცნობა დაზიანებულ მონაკვეთებზე მიმდინარე ინტენსიურ სარეაბილიტაციო სამუშაოებს.
ადგილზე მობილიზებულია ყველა შესაბამისი უწყება. დარიალში იმყოფებიან შინაგან საქმეთა მინისტრი, ინფრასტრუქტურის მინისტრის პირველი მოადგილე, სახელმწიფო უსაფრთხოების და კრიზისების მართვის საბჭოს, ასევე, საგზაო დეპარტამენტის წარმომადგნელები.
როგორც ცნობილია, 10 დღის წინ ხეობაში მეწყრის ჩამოწოლის შედეგად დაზიანებული ინფრასტრუქტურის სრული რეაბილიტაცია განხორციელდა და გზის გახსნა დღეს 12:00 საათისთვის იგეგმებოდა.
პრემიერ-მინისტრის დავალებით, გზის გაწმენდითი სამუშაოები ინტენსიურ რეჟიმში მიმდინარეობს. ადგილზე მობილიზებულია შესაბამისი ტექნიკა.