"ქრისტიან-დემოკრატების" მტკიცებით, თბილისის მერობის საუკეთესო კანდიდატი მათ ჰყავთ.
"ჩვენს მიერ დასახელებული კანდიდატურა საუკეთესოა და თუკი საჭირო გახდება, ამის დასამტკიცებლად არგუმენტებს ალასანიას ალიანსს წარვუდგენთ", - ასე ეხმაურება ვეფხვაძე "ალიანსი საქართველოსთვის" თანათავმჯდომარეების დავით გამყრელიძისა და დავით უსუფაშვილის განცხადებას იმასთან დაკავშირებით, რომ "ჯერჯერობით ყველაზე წონიანი კანდიდატი ირაკლი ალასანიაა და მისი კანდიდატურის მოხსნაზე მხოლოდ იმ შემთხვევაში იმსჯელებენ, თუ სხვა პარტიები საკუთარი კანდიდატის უპირატესობას დაამტკიცებენ".
აღსანიშნავია ისიც, რომ "ქრისტიან-დემოკრატებს" მერობის ერთიან კანდიდატზე ოპოზიციური სპექტრის ჩამოყალიბების იმედი ნაკლებად აქვს.