კიევში რუსეთის თავდასხმის შედეგად ერთი ადამიანი დაშავდა. იერიში განხორციელდა ბენზინგასამართ სადგურსა და საწყობებზე.
ინფორმაციას უკრაინული მედია კიევის საქალაქო სამხედრო ადმინისტრაციას და ქალაქის მერის ვიტალი კლიჩკოზე დაყრდნონით ავრცელებს.
წინასწარი ინფორმაციით, მტრის დრონებით დარნიცკის რაიონში ბენზინგასამართ სადგურზე დარტყმა განხორციელდა. ადგილზე შესაბამისი სამსახურები მუშაობდნენ.
ასევე, წინასწარი ინფორმაციით, ობოლონის რაიონში საწყობებზე დარტყმა განხორციელდა.
გარდა ამისა, დარნიცკის რაიონში ერთი ადამიანი დაშავდა. კიევის მერის განცხადებით, დაშავებულის მდგომარეობა მძიმეა.
