საერთაშორისო სისხლის სამართლის სასამართლოს საგამოძიებო ჯგუფი 2008 წლის აგვისტოს კონფლიტის მიზეზების გასარკვევად თებერვლის დასაწყისში საქართველოში ჩავა. მუშაობა ჰააგაში რუსეთის მიერ გაგზავნილი მიმართვის საფუძველზე წარიმართება. ამის შემდეგ "ნეზავისიმაია გაზეტა" წერს.
გაზეთი ასევე აღნიშნავს, რომ მათ საქართველოს ოფიციალურ სტრუქტურებში ამ ინფორმაციის ვერც დადატურება და ვერც უარყოფა ვერ შეძლეს. ამავე დროს გაზეთი ასევე იუწყება, რომ მათ რუსეთის საგარეო საქმეთა სამინიტროში არსებულმა წყარომ აცნობა,¸რომ ჰააგის საერთაშორისო სასამართლოს საერთაშორისო ჯგუფის საქართველოში ჩასვლა მოალოდნელი და კანონზომიერია.
"ძალიან ბევრი მიმართვა გაიგზავნა ამ ორგანიზაციაში რუსეთის მხრიდან, რომელიც მიიჩნევს, რომ აუცილებელია ომის დამნაშავეთა დასჯა. ხოლო სამხრეთ ოსეთის ხელისუფლებას ქართველი სამხედროების წინააღმდეგ არც თუ მცირე დანაშაულის დამადასტურებელი ფაქტები აქვთ",_ განაცხადა გამომცემლობის მოსაუბრემ და დასძინა, რომ აღნიშნული ჯგუფი მოსკოვშიც უნდა ჩავიდეს, რუსეთი კი მათთან თანამშრომლობისთვის ღიაა და მზადაა ნებისმიერ კითხვაზე გასცეს პასუხი, რომლებიც საერთაშორისო სასამართლოში წარდგენილ სარჩელებთან იქნება დაკავშირებული.
რუსული მედია ასევე აღნიშნავს, რომ საერთაშორისო გამომძიებლებს, "რომლებიც აგვიტოს ომის დაწყებაში ბრალეულს გამოავლენს" ცხინვალშიც ელოდებიან. აღნიშნული ე.წ. სამხრეთ ოსეთის საგარეო საქმეთა მინისტრმა მურატ ჯიოევმა დაადასტურა.
"კონკრეტულად როდის ჩამოვა ეს ჯგუფი ჩვენთვის უცნობია. სამხრეთ ოსეთი ხელისუფლებას კი აქვს ყველა ის დოკუმენტი, რომელმაც შესაძლოა გამოძიება დააინტერესოს. ამ საკითხებით სპეციალური ხალხია დაკავებული პრეზიდენტის აპარატში",_ განაცხადა ჯიოევმა.
