დღეს, 31 დეკემბერს, 18:00 საათიდან, რუსთაველის გამზირზე საახალწლო პროგრამა დაიწყება.
18:00-დან 23:00 საათამდე, რუსთაველზე სხვადასხვა ღონისძიებები გაიმართება. დაუკრავს სანტა-კლაუსების ბენდი, მოეწყობა გრიბოედოვის თეატრისა და თავისუფალი თეატრის საახალწლო წარმოდგენები; გაიმართება ილუზიონისტების შოუ; `ბასტი-ბუბუ~-სა და სამეჯლისო ცეკვების, ასევე, მოძრაობის თეატრის, პანტომიმის, თოჯინებისა და ნიღბების თეატრების წარმოდგენები; ჩატარდება `შაპიტო~-ს საცირკო წარმოდგენა; ღია ცის ქვეშ დაუკრავს სიმფონიური ორკესტრი; მოეწყობა საბავშვო ფოლკლორული კონცერტი; გაწვრთნილი ძაღლების შოუ; დავხატოთ ახალი წელი (ზაალ სულაკაური) და სხვა ღონისძიებები გაიმართება.
