ერევანი-ბათუმი-ერევანის მიმართულებით 3 ივნისიდან ყოველდღიური სარკინიგზო რეისები დაინიშნება. ამის შესახებ სააგენტო "არკა" "სამხრეთ-კავკასიური" რკინიზგის პრეს-სამსახურზე დაყრდნობით იუწყება.
ბილეთების გაყიდვა უკვე დაწყებულია. ფასი მაღალი კლასის კუპირებულ ვაგონში 14 351 დრამი, დაახლოებით 37.6 აშშ დოლარია; ჩვეულებრივ კუპირებულ ვაგონში 12 651 დრამი, დაახლოებით 33.2 აშშ დოლარი. ამასთან, შესაძლებელია საერთო ვაგონითა და ორადგილიანი ვაგონებით მგზავრობაც.
მატარებელი ერევანი-ბათუმი-ერევნის მიმართულებით მთელი ზაფხულის განვალობაში იმოძრავებს.
"სამხრეთ-კავკასიური რკინიგზა" "რუსეთის რკინიგზის" შვილობილი კომპანიაა.
