11 თებერვალს, ღამით, რუსეთში, სარატოვის ოლქს უკრაინული დრონები თავს დაესხნენ. ენგელსისა და სარატოვის მაცხოვრებლებმა განაცხადეს, რომ აფეთქებების ხმები ისმოდა.
რეგიონში უპილოტო საფრენი აპარატის თავდასხმის საფრთხე სოციალურ ქსელში სარატოვის ოლქის გუბერნატორმა რომან ბუსარგინმა რუსეთის თავდაცვის სამინისტროზე დაყრდნობით დაადასტურა.
ტელეგრამ-არხ Mash-ის ცნობით, ნამსხვრევები ჩამოვარდნის შედეგად სარატოვში ძლიერი ხანძარი გაჩნდა.
ტელეგრამ-არხ Baza-ს ცნობით, დაუდასტურებელი ინფორმაციით, იწვის ინფრასტრუქტურული ობიექტი.
„საჰაერო თავდაცვის ძალებმა გაანადგურეს უპილოტო საფრენი აპარატები, სარატოვში დაზიანდა სამრეწველო საწარმო. ოპერატიული სამსახურები მუშაობენ იმ ადგილებში, სადაც შესაძლოა ნამსხვრევები ჩამოვარდეს. წინასწარი მონაცემებით, დაშავებულები არ არიან", - წერს ბუსარგინი.
სოციალურ ქსელში გამოქვეყნებული ფოტოები და ვიდეოები ასახავს ნავთობგადამამუშავებელ ქარხანაში გაჩენილ ძლიერ ხანძარს.
.
