ლაშა გაბიტაშვილზე თავდასხმის ფაქტზე გამოძიება დაიწყო.
როგორც შინაგან საქმეთა სამინისტროში აცხადებენ, გამოძიება სისხლის სამართლის კოდექსის 126-ე, ჯგუფური ძალადობის მუხლით არის დაწყებული.
შეგახსენებთ, ლაშა გაბიტაშვილმა დღეს განაცხადა, რომ მას სამი ნიღბიანი პირი დაესხა თავს.
გაბიტაშვილი აავადმყოფოშია გადაყვანილი. მისი მდგომარეობის შესახებ კომენტარი ინგოროყვას სახელობის კლინიკაში ცოტა ხნის წინ გაკეთდა.
"მისი გადმოცემით, ურტყეს თავში, სახეში, გულ-მკერდის არეში. შემოსვლისას ჩაუტარდა კვლევები , თავის ტვინის კომპიუტერული ტომოგრაფია . პაციენტს აღენიშნება თავს ტვინის შერყევა, შევთავაზეთ ჰოსპიტალიზაცია, თუმცა აცხადებს უარს და ამბობს, რომ ხელწერილის საფუძველზე დატოვებს კლინიკას. " ამბობს კლინიკის ექიმი ანა დალაქიშვილი.
