სარეკლამო კამპანიის ფარგლებში აჭარის ტურიზმის დეპარტამენტი აზერბაიჯანელ ტურ-ოპერატორებს მასპინძლობს. დეპარტამენტის ინფორმაციით. 7 დეკემბრიდან 10 დეკემბრამდე ბათუმს აზრებაიჯანელი ტურ-ოპერატორები ეწვევიან. ისინი გაეცნობიან რეგიონის ტურისტულ პოტენციალს და თავიანთ კლიენტებს აჭარის შესახებ განახლებულ ტურ-პაკეტებს შესთავაზებენ. საინფორმაციო ტური აჭარის ტურიზმისა და კურორტების დეპარტამენტის სარეკლამო კამპანიის ფარგლებში ტარდება. როგორც ცნობილია, აზრებაიჯანი აჭარისათვის მნიშვნელოვან სამიზნე ქვეყანას წარმოადგენს, იგი ბოლო წლების ტურისტულ სტატისტიკაში ერთ-ერთი ლიდერი მეზობელი ქვეყანაა. აჭარის ტრურიზმისა და კურორტების დეპარტამენტი აზერბაიჯანში სარეკლამო კამპანიას 2014 წელშიც გეგმავს.
