მთავრობა რიკოთის უღელტეხილზე რკინიგზის მოდერნიზაციის პროექტზე მუშაობს. როგორც დღეს ეკონომიკისა და მდგრადი განვითარების მინისტრმა გიორგი კვირიკაშვილმა განმარტა, აღნიშნულ საკითხზე მსჯელობა პრემიერ-მინისტრთან არსებული ეკონომიკური საბჭოს სხდომაზე იყო, რომლის პირველი სხდომაც 4 დეკემბერს შედგა.
გიორგი კვირიკაშვილის განმარტებით, პროექტი გამტარუნარიანობის ზრდას ითვალისწინებს.
„საბჭო შეიქმნა იმისათვის, რომ მეტად მნიშვნელოვანი საკითხები განხილულ იყოს სამუშაო რეჟიმში, იმიტომ რომ მთავრობის სხდომებზე მართლა არ არის იმის შესაძლებლობა, რომ ყველა საკითხის განხილვა მოხდეს.
გუშინდელ სხდომაზე რამდენიმე საკითხის განხილვა მოხდა, კერძოდ განვიხილეთ რკინიგზის მოდერნიზაციის პროექტზე, რიკოთის უღელტეხილზე, სადაც შეიცვალა პროექტი და გაუმჯობესდა და 15 მლნ ტონის ნაცვლად უფრო მაღალი გამტარუნარიანობის პროექტი დამუშავდა"- განმარტა კვირიკაშვილმა.
