პრემიერ-მინისტრთან არსებული ეკონომიკური საბჭოს მთავარი მიზანი ეკონომიკური სამინისტროების უფრო მჭიდრო კოორდინაცია იქნება. როგორც ფინანსთა მინისტრმა ნოდარ ხადურმა მთავრობის სხდომის დაწყებამდე ჟურნალისტებთან განმარტა საბჭომ უკვე სთხოვა ეროვნული ბანკის პრეზიდენტს მუშაობის პროცესში მონაწილეობა მიიღოს.
,,ეს იქნება კიდევ ერთი შესაძლებლობა კოორდინაცია მოხდეს ეკონომიკური სამინისტროებს შორის. გარდა ამისა, მისასალმებელია რომ პრემიერ-მინისტრის დავალებით საბჭომ სთხოვა ეროვნული ბანკის პრეზიდენტს მუშაობის პროცესში მონაწილეობა მიიღოს. ეს უფრო გაგვიუმჯობესებს მაკროეკონომიკურ პოლიტიკაზე კოორდინაციას", _განაცხადა ნოდარ ხადურმა.
შეგახსენებთ, რომ საქართველოს პრემიერ-მინისტრმა ეკონომიკური საბჭო შექმნა . საბჭო თორმეტი კაცით განისაზღვრა, რომლის შემადგენლობაში შედიან: ეკონომიკური ჯგუფის მინისტრები, საპარტნიორო ფონდის ხელმძღვანელი, საქართველოს რკინიგზის გენერალური დირექტორი, თანაინვესტირების ფონდის ხელმძღვანელი, ბიზნესომბუდსმენი... საბჭომ თხოვნით მიმართა ეროვნული ბანკის პრეზიდენტს, ჩაერთოს პრემიერთან არსებული საბჭოს მუშაობაში.
