ბელორუსში აჭარის ტურისტული სარეკლამო-მარკეტინგული ღონისძიებები 2014 წლის მანძილზეც გაგრძელდება. როგორც აჭარის ტურიზმის დეპარტამენტში განმარტავენ, 4 დეკემბრიდან 8 დეკემბრამდე დეპარტამენტის მოწვევით რეგიონს ბელორუსი ტუროპერატორები სტუმრობენ. ისინი დაათვალიერებენ სასტუმროებს, ტურისტულ ობიექტებს და შეხვდებიან ადგილობრივ ტურისტულ სააგენტოებს თანამშრომლობის დასამყარებლად.
ბელორუსიიდან ბათუმისადმი დიდ ინტერესს ბოლო წლების ტურისტული სტატისტიკაც ცხადყოფს. სწორედ ამიტომ, აჭარის ტურიზმისა და კურორტების დეპარტამენტის ერთ-ერთ სამიზნე ქვეყანას ბელორუსია წარმოადგენს. ბელორუსიაში მიმდინარე წელს სხვადასხვა სარეკლამო აქტივობა განხორციელდა. ტუროპერატორების ვიზიტიც მარკეტინგული ღონისძიებების ფარგლებში დაიგეგმა. სარეკლამო-მარკეტინგული ღონისძიებები ბელორუსიაში 2014 წლის მანძილზეც გაგრძელდება.
