მთავრობა 2014 წლის მთავარ ფინანსურ დოკუმენტს განიხილავს, რომელსაც 2 დეკემბერს პარლამენტს წარუდგენს. როგორც მთავრობის სხდომის დაწყებამდე ფინანსთა მინისტრმა ნოდარ ხადურმა განაცხადა, 2014 წელს სახელმწიფოს 840 მლნ ლარის ვალის გადახდა უწევს.
„ძალიან ბევრი ვიმუშავეთ, რათა მაკროეკონომიკური პარამეტრები, რომელზეც ჩვენ ადრე ვფიქრობდით ყოფილიყო რეალისტური და მომავალი წლის ბიუჯეტი მაქსიმალურად არის ორიენტირებული იმ ვალდებულებების შესასრულებლად, რომელიც „ქართულმა ოცნებამ" დადო წინასაარჩევნოდ"- აღნიშნა ხადურმა.
მინისტრის განმარტებით, 2014 წლის ბიუჯეტი გათვლილია იმაზე, რომ მომავალ წელს მშპ 29 მლრდ ლარზე მეტი იქნება.
მისივე განმარტებით, 2014 წლის ბიუჯეტის მთავარი პრიორიტეტები ჯანდაცვა, სოფლის მეურნეობა და განათლება იქნება.
