2014 წლის მთავარ საფინანსო დოკუმენტს საქართველოს მთავრობა 29 ნოემბრისათვის ჩანიშნულ მთავრობის სხდომაზე განიხილავს. ფინანსთა მინისტრის განმარტებით, რაც შეეხება 2013 წლის ბიუჯეტის კორექტირებას, შესაძლოა ზოგიერთ უწყებას, რომელთაც თანხები ვერ აითვისეს, ბიუჯეტი შეუმცირდეს.
მიმდინარე პარასკევს განვიხილავთ 2014 წლის ბიუჯეტის პროექტს, ხოლო რაც შეეხება 2013 წლის ბიუჯეტის კორექტირებას, ვმუშაობთ მხოლოდ ერთი მიმართულებით. შესაძლოა ზოგიერთი სამინისტროს დაფინანსება შემცირდეს, ზოგიერთის კიდე გაიზარდოს. უნდა გავიაროთ, შესაძლოა შემცირება მოხდეს იმ სამინისტროებზე, რომელთაც თანხები ვერ აითვისეს"- განაცხადა ნოდარ ხადურმა.
ფინანსთა მინისტრის განმარტებითვე, 2014 წლის სახელმწიფო ბიუჯეტი 19 დეკემბრისთვის უკვე დამტკიცებული იქნება.
