მთავრობის ეკონომიკური გუნდისთვის ნომერ პირველი პრიორიტეტი მეწარმეობის განვითარება იქნება. როგორც დღეს საკომიტეტო მოსმენაზე, ეკონომიკისა და მდგრადი განვითარების მინისტრობის კანდიდატმა გიორგი კვირიკაშვილმა განაცხადა, სწორედ ამ მიზნის მისაღწევად მცირე ბიზნესის განვითარების სააგენტო ამოქმედდება, რომელიც ქვეყანაში მეწარმეობის განვითარებას შეუწყობს ხელს.
„ნომერ პირველი პრიორიტეტი ქვეყანაში დღეს არის მეწარმეობის განვითარება და დამწყები ბიზნესების ინსტიტუციონალური მექანიზმების შექმნა. ამისათვის ჩვენ ვგეგმავთ, რომ მცირე ბიზნესის განვითარების სააგენტო შევქმნათ, რომელიც იმავე დროს ხელს შეუწყობს საექსპერტო წარმოების განვითარებას"- განაცხადა კვირიკაშვილმა.
მასალის გამოყენების პირობები
