20-21 აპრილს თბილისში, დიდი დიღმის ტერიტორიაზე გაიმართება საქართველოს ღია ჩემპიონატის მეორე ეტაპი OFF ROAD Trial-ში. ღონისძიება ტარდება საქართველოს სპორტისა და ახალგაზრდობის საქმეთა სამინისტროს, საგანგებო სიტუაციების მართვის საქალაქო სამსახურის, „თეგეტა მოტორსის", „ავტორადიოს", 4WD shop-ის, ინტერნეტ პორტალ Myvideo.ge-სა და სამორინე „ლას ვეგასის" მხარდაჭერით. შეჯიბრზე „თეგეტა მოტორსი" წარმოდგენილი იქნება სპეციალურად ოფროუდისთვის განკუთვნილი აქსესუარების მწარმოებელი ბრენდით ARB 4x4 Accessories.
შეჯიბრი გაგრძელდება ორი დღის მანძილზე და ტარდება ხუთ კატეგორიაში: სტანდარტი, ორიგინალი, მოდიფიცირებული, პრომოდიფიცირებული და პროტო. მონაწილეები მაყურებლებს დაუვიწყარ და ექსტრემალურ სანახაობას პირდებიან!!!
შეჯიბრში მონაწილეობას იღებენ საქართველოს, სომხეთის, აზერბაიჯანისა და თურქეთის წარმომადგენლები. გამარჯვებულებს „თეგეტა მოტორსი" საჩუქრად გადასცემს ARB 4x4 Accessories პროდუქციისთვის განკუთვნილ ფასიან ვაუჩერებს.
ARB 4x4 ავტომობილებისთვის განკუთვნილი აქსესუარების (4WD აქსესუარები) ყველაზე დიდი მწარმოებელი და დისტრიბუტორი ავსტრალიური ბრენდია, კომპანიის მიზანია მოამზადოს ავტომობილები შორეული და რთულ პირობებში მოგზაურობისთვის, განსაკუთრებით, უგზოობის გადალახვის დროს, როგორც მოყვარულთათვის, ისე პროფესიონალურ დონეზე.
