23 აპრილს სასტუმრო „Radisson Blu Iveria"-ში საქართველო-ჩინეთის ბიზნესფორუმი გაიმართება. საქართველოში, საქართველოს ეროვნული საინვესტიციო სააგენტოს ინფორმაციით, ღონისძიებას 40-ამდე ჩინური კომპანიის წარმომადგენელი დაესწრება, რომლებიც საქართველოში არსებულ საინვესტიციო გარემოსა და ბიზნესის წარმოების შესაძლებლობებს გაეცნოებიან. ფორუმში მონაწოლეობას ასევე მიიღებენ საქართველოს სავაჭრო სამრეწველო პალატა და ჩინეთის საერთაშორისო ვაჭრობის ხელშეწყობის საბჭო.
ჩინეთის ბიზნესდელეგაციის წევრები წარმოდგენილნი არიან ისეთი სექტორებიდან როგორებიცაა წარმოება, ენერგეტიკა, უძრავი ქონება, სოფლის მეურნეობა და ა.შ.
ღონისძიების ფორმატი ასევე ითვალისწინებს ორმხრივ შეხვედრებს ქართული და ჩინური ბიზნესის წარმომადგენლებს შორის, რაც ხელს შეუწყობს ორ ქვეყანას შორის ეკონომიკური ურთიერთობების გაღრმავებასა და გამოცდილების გაზიარებას.
ფორუმის ორგანიზატორები არიან ჩინეთის საელჩო საქართველოში, საქართველოს ეროვნული საინვესტიციო სააგენტო და საპარტნიორო ფონდი.
მასალის გამოყენების პირობები