26 აპრილს, საქართველოში, სასტუმრო "ქორთიარდ მარიოტში" ქართულ-უკრაინული ბიზნესფორუმი გაიმართება. აღნიშნული ღონისძიება, რომელშიც მონაწილეობას 70-მდე უკრაინელი ბიზნესმენი და კომპანია მიიღებს, მსოფლიოში ცნობილი კომპანიის "SAP SOFT-REITING KONCALT" და ქართულ- უკრაინული სავაჭრო-ეკონომიკური საბჭოს ორგანიზებით ტარდება.
ბიზნესფორუმის მთავარი მესიჯია _ ახალი ტექნოლოგიები ახალი საქართველოსთვის.
ფორუმში მონაწილეობას მიიღებენ უკრაინის შვიდი უმსხვილესი ბანკის, ასევე სხვადასხვა ბიზნესსექტორის წარმომადგენლები, გერმანული და ამერიკული კომპანიების წარმომადგენლები.
ფორუმს დაესწრებიან მთავრობის წარმომადგენლები და ადგილობრივი ბიზნესმენები.
როგორც ფორუმის ორგანიზატორი სოფტ-რეიტნგ კონცალტი და ქართულ- უკრაინული სავაჭრო-ეკონომიკური საბჭოს თავმჯდომარე ნიკოლოზ გუგუშვილი აცხადებენ, ფორუმის მიზანია, საქართველოს ბიზნესგარემოს გაცნობა.
`უკრაინელ ბიზნესმენებს დიდი ინტერესი გააჩნიათ საქართველოს მიმართ. მათ სურთ განახორციელონ ინვესტიციები სხვადასხვა სფეროში, კერძოდ, განათლებაში, სოფლის მეურნეობაში, ინფრასტრუქტურაში და სხვ. ასევე, დიდია დაინტერესება რომ საქართველოში დაინერგოს ახალი ტექნოლოგიები. სოფტ რეიტინგ კონსალტი და SAP-ი გეგმავენ საქართველოში ახალი ტექნოლოგიების დანერგვას სახელმწიფო მართვაში და ბიზნეს სექტორში. ვიმედოვნებთ, რომ ახალი ხელისუფლება ხელს შეუწყობს ქვეყანაში ქართული და უკრაინული კომპანიების ურთიერთთანამშრომლობას და ახალი ტექნოლოგიების დანერგვის კუთხით ინვესტიციების შემოსვლას~- აცხადებს გუგუშვილი.
