ბიძინა ივანიშვილი მიიჩნევს, რომ ვიცე-პრემიერისა და თავდაცვის მინისტრის თანამდებობების შეთავსება შეუძლებელია, _აღნიშნულის შესახებ ,,ჯი-ეიჩ-ენთან" საუბარში პრემიერის პრესსამსახურის წარმომადგენელმა მანანა თოქმაჯიშვილმა განაცხადა და აღნიშნა, რომ პრემიერ-მინისტრმა გადაწყვეტილება ორი დღის წინ მიიღო.
,,პრემიერმა ეს გადაწყვეტილება ორი დღის წინ მთავრობის სხდომაზე მიიღო. გადაწყვეტილების მიზეზი გახდა ის, რომ თავდაცვის მინისტრს გააჩნია საკმაოდ დიდი პასუხისმგებლობა მას ჩაბარებული ყავს ქართული ჯარი და მისი მშენებლობა რაც დიდ ძალისხმევას მოითხოვს. შესაბამისად ამ ორი პოზიციის შეთავსება გამორიცხულია და პრემიერმა საჭიროდ ჩათვალა და ასეთი გადაწყვეტილება მიიღო", _განაცხადა სააგენტო ,,ჯი-ეიჩ-ენთან" საუბარში პრემიერის პრესსამსახურის წარმომადგენელმა მანანა თოქმაჯიშვილმა და აღნიშნა, რომ დავოსში ვიზიტისას პრემიერ-მინისტრი მედიის წარმომადგენლებსაც შეხვდება აუცილებლობის შემთხვევაში აღნიშნულ საკითხთან დაკავშირებითაც ისაუბრებს.
შეგახსენებთ, რომ საქართველოს პრემიერ-მინისტრმა ბიძინა ივანიშვილმა, ირაკლი ალასანიას ვიცე-პრემიერის უფლებამოსილება შუწყვიტა. პრემიერის ბრძანება მთავრობის ოფიციალურ ვებგვერდზე გამოქვეყნდა. ""საქართველოს მთავრობის სტრუქტურის, უფლებამოსილებისა და საქმიანობის წესის შესახებ" საქართველოს კანონის მე-10 მუხლის შესაბამისად საქართველოს მთავრობის წევრს ირაკლი ალასანიას შეუწყდეს საქართველოს ვიცე-პრემიერის მოვალეობის შესრულება", - ნათქვამია ბრძანებაში.
