"უმრავლესობა შეიძლება, შეიცვალოს, მაგრამ ქართველი ერის მისწრაფება ევროპისაკენ პოლიტიკური დანაწევრების მიღმა გადის", - ამის შესახებ პრეზიდენტმა ევროპის საბჭოს საპარლამენტო ასამბლეაზე სიტყვით გამოსვლისას განაცხადა და აღნიშნა, რომ მისთვის დიდი პატივია მიმართოს ასამბლეას საქართველოს დემოკრატიისთვის მნიშვნელოვან დროს.
"ცოტა ხნის წინ მოხდა ხელისუფლების გადაცემა არჩევნების გზით. ეს იყო პირველად საქართველოს ისტორიაში. როგორც ნებისმიერ დემოკრატიაში, უმრავლესობა შეიძლება შეიცვალოს, მხოლოდ ამომრჩეველთა ხმების მიხედვით, მაგრამ ჩვენი ერის მისწრაფება ევროპისაკენ ნებისმიერი პოლიტიკური დანაწევრების მიღმა გადის. ეს არის ჩემი მთავარი გზავნილი, რომელიც მინდა, დღეს ასამბლეის წინაშე გავაჟღერო", - განაცხადა პრეზიდენტმა და აღნოშნა, რომ მისი, როგორც ფერადი რევოლუციების ერთ-ერთ ლიდერის, იმედები და ენთუზიაზმი, დღეს, როგორც კოჰაბიტაციის ლიდერ პრეზიდენტს, არ შეუცვლია.
"შეიძლება საოცარიც იყოს, მაგრამ ეს ენთუზიაზმი და იმედები მხოლოდ გაიზარდა", - განაცხადა პრეზიდენტმა.
