,,ეკონომიკაში საგანგაშო ტენდენციებია", _აღნიშნულის შესახებ ჟურნალისტებთან მიხეილ სააკაშვილმა განაცხადა.
,,ეკონომიკაში საგანგაშო ტენდენციებია და ეს შეუიარაღებელი თვალითაც ჩანს, ეს ჩანს ინვესტიციების შემცირების კუთხითაც, მათ შორის იმით, რომ საქართველოს მთავრობა სხვადასხვა ინვესტორებს ეუბნება, რომ შემდეგი სამი წელი საქართველოში ეკონომიკური ზრდა არ იქნება. გასულ წელს პროექტირებული იყო ეკონომიკის 8%-იანი ზრდა და არჩევნების შემდეგ დავიდა დაახლოებით 6,5%-ზე. წლევანდელი წელი როგორც ჩანს ძალიან ცუდი მონაცემებით დაიწყო", -განაცხადა პრეზიდენტმა და აღნიშნა, რომ მოცემულ სიტუაციაში ქვეყანას განსაკუთრებული ზომების მიღება სჭირდება.
,,ამ მხრივ შევთავაზეთ საქართველოს მთავრობას ხუთპუნქტიანი გეგმა, რომელიც ითვალისწინებს იმას, რომ ერთად მივიდეთ ინვესტორებთან, ერთად ჩავატაროთ კონფერენციები, ერთად ველაპარაკოთ, ერთად დავიწყოთ შეჩერებული პროექტები და მეორე_განსაკუთრებული რამ უნდა გავაკეთოთ ქვეყნის შიგნით", _განაცხადა პრეზიდენტმა.
