"ოპოზიცია ეცდება ირაკლი ოქრუაშვილის საქართველოში ჩამოსვლა დასავლეთის თვალში ცუდი კუთხით გააპიარებს", - განაცხადა ,,ჯი-ეიჩ-ენთან" საუბარში ექსპერტმა ხათუნა ლაგაზიძემ ირაკლი ოქრუაშვილის საქართველოში დაბრუნების კომენტირებისას.
,,ოპოზიცია ეცდება ოქრუაშვილის ფაქტორი გამოყენონ, როგორც დასტური იმისა, რომ Dდღევანდელი ხელისუფლება შერჩევით სამართალს ეწევა. ირაკლი ოქრუაშვილის გათავისუფლება, ან მისთვის სიმბოლური სასჯელის წაყენება თუ მოხდა ეს ფაქტი ოპოზიციისთვის ყველაზე ძლიერი მტკიცებულება იქნება იმისთვის, რომ ხელისუფლება შერჩევით სამართალს ახორციელებს", _ განაცხადა ლაგაზიძემ, რომელმაც აღნიშნა, რომ ხელისუფლებამ ოქრუაშვილის საქმესთან დაკავშირებით ობიექტურობა უნდა დაიცვას.
,,ერთადერთი გამოსავალი, რომ ოქრუაშვილის თემა ხელისუფლებას თავის ტკივილად არ ექცეს არის ის, რომ ოქრუაშვილის საქმესთან დაკავშირებით უნდა იყოს სამართლიანი მიდგომა და სამართლიანი სასამართლოს მიერ უნდა იყოს ის განაჩენი გამოტანილი, რომელსაც ოქრუაშვილს შეუფარდებენ", _ განაცხადა ,,ჯი-ეიჩ-ენთან" საუბარში ხათუნა ლაგაზიძემ.