დღეს, 19 ნოემბერს, ორშაბათს, 16.00სთ-ზე, იუსტიციის სამინისტროს ადმინისტრაციულ შენობაში, იუსტიციის მინისტრი თეა წულუკიანი კიდევ ერთ მოადგილეს წარადგენს. გოჩა ლორთქიფანიძე იუსტიციის სამინისტროში ოთხი დეპარტამენტის მუშაობას გაუწვეს კოორდინაციას. მას საერთაშორისო საჯარო სამართლის, არბიტრაჟებსა და უცხო ქვეყნის სასამართლოებში სახელმწიფო წარმომადგენლობის, ადამიანის უფლებათა საერთაშორისო სასამარლოებში სახელმწიფო წარმომადგენლობის, აგრეთვე - ხელშეკრულებათა ექსპერტიზისა და სასამართლო წარმომადგენლობის დეპარტამენტები დაექვემდებარება.
გოჩა ლორთქიფანიძე იურისტია, განათლება მიღებული აქვს საქართველოსა და დასვლეთის ქვეყნების უნივერსიტეტებში, გააჩნია სამეცნიერო-პედაგოგიური მუშაობის გამოცდილება ევროპისა და აშშ-ს წამყვან კვლევით ცენტრებში. სხვადასხვა დროს მუშაობდა როგორც სახელმწიფო, ისე - საერთაშორისო ორგანიზაციებში. მონაწილეობა აქვს მიღებული საერათშორისო პროექტების განხორციელებაში კონფლიქტოლოგიის, ევროპის უსაფრთხოების, საქართველოსა და ევროატლანტიკური დემოკრატიების თანამეგობრობის საკითხებზე, არის საქართველოსა და უცხოეთში გამოცემული სამეცნიერო პუბლიკაციების ავტორი.
მისამართი: ქ. თბილისი, ვახტანგ გორგასლის 24ა (იუსტიციის სამინისტროს შენობა).
