ტაივანი მზადაა, აფხაზეთან და ე. წ. სამხრეთ ოსეთთან სავაჭრო-ეკონომიკური და კულტურული ურთიერთობები ჰქონდეს. ეს განცხადება რუსეთში ტაივანის წარმომადგენლობის ხელმძღვანელმა ანტონიო ჩენმა "კომერსანტისთვის" მიცემულ ინტერვიუში გააკეთა.
"რაც შეეხება პოლიტიკურ აღიარებას, აზრთა გაცვლა-გამოცვლა ამ საკითხთან დაკავშირებით ჯერჯერობით არ მომხდარა", _ განაცხადა ჩენმა.
მისი თქმით, ტაივანი აღნიშნული "რესპუბლიკების" არაღიარების გამო "გარკვეულ უხერხულობას გრძნობს, რადგან არ აქვს ოფიციალური ურთიერთობები".
"იმედი მაქვს, რომ მჭიდრო ურთიერთქმედება ისეთ სფეროებში, როგორებიცაა ვაჭრობა, ეკონომიკა, კულტურა, მეცნიერება, ტექნიკა და ტურიზმი, ყოველივე ამას შეავსებს", _ განაცხადა ჩენმა.
