ავსტრალიის პრემიერ-მინისტრმა ენტონი ალბანეზემ ჩინეთის ქალაქ შენჟენში, აზია-წყნარი ოკეანის ეკონომიკური თანამშრომლობის (APEC) სამიტზე გამოსვლისას, რუსეთის პრეზიდენტ ვლადიმირ პუტინს უკრაინაში ომის შეწყვეტისკენ მოუწოდა.
„ვაჭრობის შეფერხების ორი მთავარი მიზეზი უკრაინასა და ახლო აღმოსავლეთში მიმდინარე კონფლიქტებია. ყველაფერი უნდა გავაკეთოთ, რათა მათ დასრულებას შევუწყოთ ხელი... და პირდაპირ მივმართავ პრეზიდენტ პუტინს: შეწყვიტეთ თქვენი ომი, დაასრულეთ ის ახლავე“, - განაცხადა ალბანეზემ.
როგორც The Guardian წერს, გამოსვლისას ავსტრალიის პრემიერ-მინისტრი პირდაპირ პუტინს უყურებდა, კრემლის ლიდერი კი მის სიტყვას თავჩაღუნული უსმენდა.
სამიტს, რომელსაც ჩინეთის პრეზიდენტი სი ძინპინი მასპინძლობს, აშშ-ის პრეზიდენტი დონალდ ტრამპიც ესწრებოდა. ალბანეზემ რუსეთის პრეზიდენტს 20-ზე მეტი ქვეყნის ლიდერის თანდასწრებით მიმართა.