საერთაშორისო სავალუტო ფინდის დირექტორ-განმკარგულებელი დომენიკ სტროს-კანი, რომელიც სასტუმროს მოსამსახურე ქალის გაუპატიურების მცდელობის გამო, ნიუ-იორკის ციხეში იმყოფება, თანამდებობიდან გადადგა.
განცხადებაში, რომელიც დაკავებულის ადვოკატმა გაავცელა ნათქვამია, რომ სტროს-კანმა თავისი გადაწყვეტილების შესახებ უკვე აცნობა ფონდის დირექტორთა საბჭოს წევრებს.
სავალუტო ფონდის საიტზე გამოქვეყნებულ სტროს-კანის განცხადებაში აღნიშნულია, რომ ის იძულებულია ითხოვოს გადადგომა.
"ახლა პირველ რიგში მე ვფიქრობ საკუთარ მეუღლეზე, რომელიც ძალიან მიყვარს, ჩემს შვილებზე, ოჯახზე და მეგობრებზე", - წერს სტროს კანი და დასძენს, - "ყველას მინდა გითხრათ, უარვყოფ ჩემს წინააღმდეგ წაყენებულ ყველა ბრალდებას".
წერილში ასევე აღნიშნულია, რომ მას სურს დაიცვას იმ ორგანიზაციის ღირსება, რომელსაც ის ერთგულად ემსახურებოდა და მთელი თავისი ძალისხმევა მიმართოს უდანაშაულობის დასამტკიცებლად.
მასალის გამოყენების პირობები
