პარლამენტის თავმჯდომარის, დავით ბაქრაძის შეფასებით, საქართველოში დემოკრატიული რეფორმების თვალსაზრისით ბევრი რამეა გაკეთებული. ამის შესახებ ბაქრაძემ ჟურნალისტებს 19 მაისს დაგეგმილ "დემოკრატიული თანამეგობრობის საპარლამენტო ფორუმის" სხდომის შეფასებისას განუცხადა.
"საქართველოში პირველად ტარდება დემოკრატიული თანამეგობრობის საპარლამენტო ფორუმის სხდომა, რომელიც მაღალ დონეზე წარიმართება. ამ ორი დღის განმავლობაში თბილისს მნიშვნელოვანი სტუმრები ეყოლება. მონაწილეობას მიიღებს ევროპარლამენტის პრეზიდენტი, დელეგაციები ბევრი ქვეყნიდან, მათ შორის უნგრეთის სპიკერი, ამერიკის კონგრესის დელეგაცია", - აღნიშნა ბაქრაძემ.
მისი თქმით, ფორუმზე გაიმართება კონკრეტული განხილვები და მსჯელობა იმაზე, თუ როგორ უნდა მოხდეს დემოკრატიისა და რეფორმების გავრცელების ხელშეწყობა.
"ეს კარგი ფორმატია იმისთვის, რომ კიდევ ერთხელ გავიზროთ, რამდენი რამ არის გაკეთებული საქართველოში დემოკრატიული რეფორმების თვალსაზრისით. იმედი მაქვს, ეს ორი დღე წამატებული და მნიშვნელოვანი იქნება", - დასძინა ბაქრაძემ.
შეგახსენებთ, რომ 19-20 მაისს თბილისში "დემოკრატიული თანამეგობრობის საპარლამენტო ფორუმის" სხდომა გაიმართება.
