აშშ-ის პრეზიდენტმა დონალდ ტრამპმა განაცხადა, რომ თუ ირანი საზღვაო მიმოსვლის შეფერხებას კვლავ გააგრძელებს, ვაშინგტონმა შესაძლოა, თეირანის წინააღმდეგ ახალი სანქციები დააწესოს.
ტრამპის თქმით, შეერთებული შტატები ყურადღებით აკვირდება ჰორმუზის სრუტეში ვითარებას და ირანის მიერ გემებისთვის გადაადგილების შეზღუდვას არ შეეგუება. მისი განცხადებით, თუ თეირანი საერთაშორისო საზღვაო მიმოსვლას კვლავ შეაფერხებს, აშშ-ის მხრიდან საპასუხო ზომები იქნება.
ჰორმუზის სრუტეში ნაოსნობა ბოლო დღეებში მკვეთრად შემცირდა. Reuters-ის ცნობით, 19 აგვისტოს სრუტე მხოლოდ ექვსმა კომერციულმა გემმა გაიარა, მაშინ როცა ბოლო პერიოდის საშუალო მაჩვენებელი დღეში დაახლოებით 11 გემი იყო.
ტრამპი აცხადებს, რომ სრუტე ნაოსნობისთვის ღიაა, თუმცა ირანი ამას უარყოფს და ამტკიცებს, რომ მისი გახსნის პირობები ჯერ არ შესრულებულა.
