აშშ-ის ხელისუფლებამ სისხლის სამართლის საერთაშორისო სასამართლოს (ICC) თავმჯდომარე ტომოკო აკანე სანქციების სიაში შეიყვანა, ამის შესახებ აშშ-ის ხაზინის დეპარტამენტის განცხადებაშია ნათქვამი.
გამოქვეყნებული ინფორმაციის თანახმად, იაპონელი იურისტი ტომოკო აკანე SDN List-ში მოხვდა - ეს არის იმ ფიზიკურ პირთა სია, რომელთა წინააღმდეგაც აშშ-ის შემზღუდველი ზომები მოქმედებს.
მანამდე აშშ-მა სანქციები ICC-ის რამდენიმე მოსამართლის წინააღმდეგაც დააწესა.
2025 წლის თებერვალში აშშ-ის პრეზიდენტმა დონალდ ტრამპმა ხელი მოაწერა განკარგულებას, რომელიც ICC-ის წინააღმდეგ სანქციების დაწესებას ითვალისწინებს აშშ-ისა და მისი მოკავშირეების, მათ შორის ისრაელის, წინააღმდეგ სასამართლოს მოქმედებების გამო.
რომის სტატუტის მიხედვით, რომლის საფუძველზეც ICC შეიქმნა, სასამართლოს იურისდიქციას ექვემდებარებიან პირები, რომლებმაც გენოციდი ან ომის დანაშაულები ჩაიდინეს.
აშშ რომის სტატუტის მონაწილე არ არის და არაერთხელ განუცხადებია, რომ არ ცნობს ICC-ის იურისდიქციას ამერიკის მოქალაქეებზე.
