"ქრისტიან-დემოკრატები" ონკოლოგიური დაავადებების პირველი და მეორე სტადიის მკურნალობის სახელმწიფოსგან დაფინანსებას ითხოვენ. აღნიშნული განცხადება "ქრისტიან-დემოკრატების" წევრმა მაგდა ანიკაშვილმა დღეს, პლენარულ სხდომაზე გააკეთა.
"მაშინ, როდესაც ხელისუფლებას საუბრობს, რომ როგორ ჰყავს დაზღვეული მოსახლეობა, რომელსაც ონკოლოგიური დაავადებების მკურნალობა უფასოდ შეუძლია მინდა მათ შევახსენო, რომ ასეთი ადამიანების რაოდენობა მხოლოდ 30%-ია, ხოლო დანარჩენი 70% მოსახლეობის დაუცველი რჩება. სამწუხაროდ კი ამ დროს საქართველოში ონკოლოგიური დაავადების სტატისტიკა ძალიან გაიზარდა", - აღნიშნა ანიკაშვილმა.
მისივე შეფასებით, ონკოლოგიური დაავადების მქონე პირების მიმართ სახელმწიფოს აქვს ცინიკური დამოკიდებულება, რადგან უფასოდ უდგენს, რომ აქვს დავდება და შემდეგ დაფინანსებაზე უარს ეუბნება, რაც მათ სასიკვდილოდ გაწირვას ნიშნავს.
"ჩვენ გთავაზობთ, რომ ხელისუფლებამ დააფინანსოს ასაკის მიუხედავად სკრინინგის პროგრამის ფარგლებში პირველი და მეორე სტადიის ონკოლოგიური დაავადებების მკურნალობაც", - დასძინა ანიკაშვილმა.