სუმზე რუსული სარაკეტო დარტყმის შემდეგ უკრაინას ათობით ქვეყანა და საერთაშორისო ორგანიზაციამ დაუჭირა მხარი. ამის შესახებ უკრაინის პრეზიდენტმა ვოლოდიმირ ზელენსკიმ 14 აპრილის მიმართვაში განაცხადა.
„ახლა, სუმზე თავდასხმის შემდეგ, თითქმის 50-მა სახელმწიფომ და საერთაშორისო ორგანიზაციამ გამოთქვა მხარდაჭერა უკრაინის მიმართ. ქვეყნების ლიდერები, მთავრობის მეთაურები, დიპლომატიური მისიების ხელმძღვანელები - მინდა მადლობა გადავუხადო თითოეულ მათგანს.
მსოფლიომ იცის სიმართლე - რა მოხდა და ვინ არის დამნაშავე“, - განაცხადა ზელენსკიმ.
მისი თქმით, „როდესაც ომი დასრულდება, მსოფლიო აბსოლუტურად მკაფიოდ გაიგებს, რომ ეს იმიტომ მოხდა, რომ რუსეთს, როგორც აგრესორს, მშვიდობა აიძულეს“, - განაცხადა ზელენსკიმ.
უკრაინის პრეზიდენტმა ხაზგასმით აღნიშნა, რომ აგრესორი უკრაინის მიწაზე 11 წლის წინ, 2014 წელს მოვიდა.
"და ყველასთვის მნიშვნელოვანია, რომ ამას კიდევ რამდენიმე წელი არ დასჭირდეს", - თქვა ზელენსკიმ.
აშშ-ის პრეზიდენტმა დონალდ ტრამპმა თავის სოციალურ ქსელ Truth Social-ში დაწერა, რომ ჯო ბაიდენმა და უკრაინის ვოლოდიმირ ზელენსკიმ „შეცდომა დაუშვეს.
„პრეზიდენტმა ზელენსკიმ და თაღლითმა ჯო ბაიდენმა აბსოლუტურად საშინელი სამუშაო შეასრულეს და ამ ფარსს დაწყების საშუალება მისცეს. ბევრი გზა არსებობდა მის თავიდან ასაცილებლად. მაგრამ ეს წარსულშია. ახლა ჩვენ უნდა გავაკეთოთ ისე, რომ ეს შეჩერდეს და რაც შეიძლება სწრაფად“, - დაწერა ტრამპმა.
ტრამპმა ასევე ჟურნალისტებს განუცხადა, „ქალაქები განადგურებულია, და რაც მთავარია, მილიონობით ადამიანი დაიღუპა. სამი ადამიანის გამო მილიონობით ადამიანი დაიღუპა. მე ვიტყოდი სამი ადამიანია დამნაშავე. პუტინი ნომერ პირველია. ბაიდენი, რომელსაც წარმოდგენა არ ჰქონდა რას აკეთებდა, მეორე და შემდეგ ზელენსკი.“
