შეერთებული შტატები გააგრძელებს აზერბაიჯანის სუვერენიტეტის, დამოუკიდებლობისა და ტერიტორიული მთლიანობის მხარდაჭერას.
გამოცემა Trend-ის ცნობით, ამის შესახებ, ნათქვამია აშშ-ის პრეზიდენტის დონალდ ტრამპის მისალოც წერილში, რომელიც მან აზერბაიჯანის რესპუბლიკის პრეზიდენტის ილჰამ ალიევს ნოვრუზის დღესასწაულთან დაკავშირებით გაუგზავნა.
„ჩვენს ქვეყნებს ერთობლივი მუშაობის დიდი ისტორია აქვთ. იმედი მაქვს, რომ უახლოეს წლებში ჩვენ გადავდგამთ ნაბიჯებს დიდი მიღწევებისკენ.
მადლობელი ვარ აზერბაიჯანის მხარდაჭერისა და მეგობრობისთვის ჩვენი პარტნიორი ისრაელის მიმართ და მივესალმები იმ ნაბიჯებს, რომლებსაც თქვენ და სომხეთი დგამთ რეგიონში მშვიდობის დასამყარებლად.
მოუთმენლად ველი თქვენთან მუშაობას, რადგან ჩვენი ქვეყნები ისწრაფვიან წარმატებისკენ. შეერთებული შტატები გააგრძელებს აზერბაიჯანის სუვერენიტეტის, დამოუკიდებლობისა და ტერიტორიული მთლიანობის მხარდაჭერას“, - ნათქვამია წერილში.
