უკრაინის პრეზიდენტმა ვოლოდიმირ ზელენსკი გამოეხმაურა პარასკევს, 4 აპრილს საღამოს დნიპროპეტროვსკის ოლქში კრივი რიჰზე რუსეთის ძალების სარაკეტო იერიშს.
უკრაინის პრეზიდენტის თქმით, ეს თავდასხმა მთელ მსოფლიოს აჩვენებს, რომ რუსეთს არ სურს ცეცხლის შეწყვეტა და მხოლოდ ომი სურს.
„რუსული რაკეტა ჩვეულებრივ ქალაქში. უბრალოდ ქუჩაში. ტერიტორიაზე, სადაც საცხოვრებელი კორპუსებია. სავარაუდოდ, ეს არის ბალისტიკური დარტყმა. ამ დროისთვის ცნობილია 14 დაღუპულის შესახებ, მათ შორის 6 ბავშვია. ვუსამძიმრებ ოჯახს და მეგობრებს," - განაცხადა ზელენსკიმ.
უკრაინის პრეზიდენტის თქმით, ამ წუთებში ქალაქში სამაშველო ოპერაცია მიმდინარეობს. დაზიანდა სულ მცირე 5 სახლი.
„რუსები ყოველდღიურად ახორციელებენ დარტყმებს, ყოველდღე იღუპებიან ადამიანები... ასე გრძელდება მხოლოდ ერთი მიზეზით: რუსეთს არ სურს ცეცხლის შეწყვეტა და ჩვენ ამას ვხედავთ. მთელი მსოფლიო ხედავს. ყოველი რაკეტა, ყოველი მოიერიშე დრონი ადასტურებს, რომ რუსეთს მხოლოდ ომი უნდა“, - განაცხადა ზელენსკიმ.
ზელენსკიმ აღნიშნა, რომ მხოლოდ მსოფლიოს მიერ რუსეთზე ზეწოლით, უკრაინის გაძლიერებით, მისი შეიარაღება და არმია განსაზღვრავს, როდის დასრულდება ომი.
მისი ღრმა რწმენით, შეერთებულ შტატებს, ევროპას და მსოფლიოს სხვა ქვეყნებს აქვთ საკმარისი შესაძლებლობა, აიძულონ რუსეთი შეწყვიტოს ტერორი და ომი.
"და ეს უნდა იყოს უზრუნველყოფილი: საჭიროა მშვიდობა", - აღნიშნა ვლადიმირ ზელენსკიმ.
შეგახსენებთ, 4 აპრილის საღამოს რუსეთის არმიამ ბალისტიკური დარტყმა განახორციელა კრივი რიჰის საცხოვრებელ უბანზე. დაიღუპა 14 და დაშავდა 50-ზე მეტი ადამიანი.
