უკრაინული მედიის ცნობით, კრივი რიჰზე რუსეთის იერიშის შედეგად დაიღუპა 14 ადამიანი, ხოლო 50-ზე მეტი დაშავდა.
თავდაპირველად გავრცელდა ინფორმაცია 12 დაღუპულის შესახებ.
დაღუპულთა შორის არიან ბავშვები.
კრივი-რიჰის თავდაცვის საბჭოს ხელმძღვანელი ოლექსანდრ ვიკული დაზუსტებულ ცნობებზე დაყრდნობით იუწყება, რომ დაღუპულებს შორის სამი ბავშვია.
მისივე განცხადებით, მტერმა კრივი რიჰზე იერიში ბალისტიკური რაკეტებით მიიტანა. მისივე ცნობებით, დაშავებულთა რაოდენობა მუდმივად იზრდება.
"დაშავებულთა რაოდენობა ზუსტდება. ქალაქში ხანძარი იყო. დაზიანებულია მრავალსართულიანი კორპუსები", - დასძინა მან. მისივე ცნობებით ცეცხლი გაუჩნდა ავტომობილებსა დ ავტოფარეხებს.
ადგილობრივი ტელეგრამის არხების ცნობით, სავარაუდოდ, რაკეტა ხალხმრავალ ადგილას, ერთ-ერთ კვების ობიექტთან ახლოს აფეთქდა.
