თურქეთში სამართალდამცავებმა სტამბოლის მერი ეკრემ იმამოღლუ დააკავეს, რომელიც ამჟამინდელი პრეზიდენტის რეჯეფ თაიფ ერდოღანის მთავარ კონკურენტად მიიჩნევა.
როგორც ცნობილია, პოლიციამ იმამოღლუ სახლში ჩხრეკის შემდეგ დააკავა.
მედიის ცნობით, ჩხრეკა კორუფციულ გამოძიებას უკავშირდება.
BBC სტამბოლის პროკურატურაზე დაყრდნობით იუწყება, რომ სხვადასხვა დანაშაულისთვის 100-ზე მეტი ადამიანი, მათ შორის იმამოღლუ დააკავეს. დაკავების ორდერი გაცემულია კორუფციის ბრალდებებთან დაკავშირებით.
