ჩინეთის საერთაშორისო განვითარების თანამშრომლობის სააგენტოს სპიკერმა ლი მინმა განაცხადა, რომ ჩინეთი მზად არის დაეხმაროს უკრაინას ომის შემდგომი აღდგენის პროცესში და გააგრძელოს სხვა დახმარების გაწევა. ამის შესაებ ChinaDaily იუწყება.
„ჩვენ მზად ვართ გავაგრძელოთ დახმარება ჩვენი შესაძლებლობების ფარგლებში დაინტერესებული მხარეების სურვილის შესაბამისად, რაც, რა თქმა უნდა, მოიცავს ომის შემდგომ რეკონსტრუქციას [აღდგენას].“ - განაცხადა მინმა.
ლი მინმა გაიხსენა, რომ უკრაინაში ომის დაწყების შემდეგ ჩინეთმა უკრაინას ჰუმანიტარული დახმარების ოთხი პაკეტი უკვე მიაწოდა.
„ჩინეთი კვლავ იქნება პოზიტიური ძალა მსოფლიო მშვიდობისა და სტაბილურობისთვის და პროგრესული ძალა გლობალური სამართლიანობისა და სამართლიანობისთვის“, - თქვა მან.
თებერვალში ომის შესწავლის ინსტიტუტის ექსპერტებმა განაცხადეს, რომ რუსეთი ცდილობდა ეჩვენებინა, რომ ჩინეთი იზიარებს კრემლის პოზიციას უკრაინის ომთან დაკავშირებით იმაზე მეტად, ვიდრე ჩინეთი მზადაა საჯაროდ აღიაროს.
