აშშ-ის ვიცე-პრეზიდენტმა ჯეი დ ვენსმა განაცხადა, რომ შოკირებული იქნება, თუ პრეზიდენტი დონალდ ტრამპი გადაწყვეტს ამერიკული ბირთვული იარაღის ევროპაში აღმოსავლეთისკენ გადატანას.
აშშ-ის ვიცე-პრეზიდენტი გამოეხმაურა პოლონეთის პრეზიდენტის, ანდჯი დუდას მოწოდებას, რომ აშშ-მა განათავსოს ამერიკული ბირთვული იარაღი პოლონეთის ტერიტორიაზე რუსეთის მომავალი აგრესიის შეკავების მიზნით.
„პრეზიდენტთან ამ საკითხზე არ მილაპარაკია, მაგრამ შოკირებული ვიქნები, თუ ის მხარს დაუჭერს ბირთვული იარაღის აღმოსავლეთ ევროპაში განთავსებას“, - Reuters-ს ცნობით, განაცხადა ვენსმა Fox News-ის ეთერში.
