რუსეთის პრეზიდენტმა ვლადიმირ პუტინმა განაცხადა, რომ ის ეთანხმება წინადადებას ცეცხლის შეწყვეტის შესახებ, მაგრამ მას უნდა მოჰყვეს "ხანგრძლივი მშვიდობა".
ამის შესახებ მან ბელარუსის პრეზიდენტ ალექსანდრ ლუკაშენკასთან ერთობლივ პრესკონფერენციაზე განაცხადა.
„ჩვენ ვეთანხმებით წინადადებას საომარი მოქმედებების შეწყვეტის შესახებ. მაგრამ ჩვენ გამოვდივართ იქიდან, რომ ამ შეწყვეტამ უნდა გამოიწვიოს ხანგრძლივი მშვიდობა და აღმოფხვრას კრიზისის ძირითადი მიზეზები“, - თქვა პუტინმა და უპასუხა შეკითხვას, თუ როგორ აფასებს აშშ-ის წინადადებას ცეცხლის შეწყვეტის შესახებ.
მისი თქმით, კარგი იქნებოდა უკრაინული მხარისთვის 30-დღიანი ცეცხლის შეწყვეტა. „ჩვენც მომხრე ვართ [ცეცხლის შეწყვეტის], მაგრამ არის ნიუანსები. რას ვუპირებთ იმ ტერიტორიას, სადაც [უკრაინის შეიარაღებულმა ძალებმა] კურსკის რეგიონში შეაღწიეს? რა დაემართება იმ [უკრაინის შეიარაღებული ძალების ჯარისკაცებს], რომლებიც დარჩებიან კურსკის რეგიონში? უბრალოდ უნდა გავუშვათ ისინი?
როგორ განვითარდება სიტუაცია საკონტაქტო ხაზზე - 2000 კილომეტრზე, თითქმის ყველგან ვუტევთ. ვინ დაადგენს სად და ვინ დაარღვია შესაძლო ცეცხლის შეწყვეტა? ამ 30 დღის განმავლობაში უკრაინა გააგრძელებს იარაღის მიღებას და გაგრძელდება იძულებითი მობილიზაცია? როგორ მოაგვარებენ ვერიფიკაციის საკითხებს, როგორ იძლევიან გარანტიას, რომ მსგავსი არაფერი მოხდება?“
ყველა ეს საკითხი, პუტინის აზრით, მოითხოვს განხილვას, მათ შორის, შესაძლოა, აშშ-ს პრეზიდენტ დონალდ ტრამპთან.
„იდეა თავისთავად სწორია და ჩვენ, რა თქმა უნდა, მხარს ვუჭერთ მას, მაგრამ არის საკითხები, რომლებზეც უნდა ვისაუბროთ“, - თქვა პუტინმა.
