2014 წლიდან უკრაინაში ცეცხლის შეწყვეტა არაერთხელ გამოცხადებულა და ყოველ ჯერზე ირკვეოდა, რომ კიევი ევროპის მხარდაჭერით გვატყუებდა. ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.
„დროებითი ცეცხლის შეწყვეტა, როგორც 2014 წლიდან მოყოლებული მთელი ისტორია აჩვენებს, უკვე არაერთხელ გამოცხადდა.
მათ შორისაა მინსკის შეთანხმებები, ხელშეკრულებები, რომლებიც გაანადგურეს 2014 წლის გადატრიალების შედეგად და სტამბოლის შეთანხმებები.
ამ ყველაფერს თან ახლდა ზავის გამოცხადება. ყოველთვის, ყოველ ჯერზე ასეთი შეთანხმებების შემდეგ გამოდიოდა, რომ გვატყუებდნენ. უკრაინელები გვატყუებდნენ ევროპელი პარტნიორების მხარდაჭერით,” - თქვა მან.
ლავროვმა აღნიშნა, რომ რუსეთს „სჭირდება სტაბილური, მუდმივი მშვიდობა, რომელიც დაფუძნებულია უკრაინაში არსებული სიტუაციის ძირეული მიზეზების აღმოფხვრაზე“.
„ახალ ევროპელებს თუ სურთ, გააკეთონ ისე, რომ უკრაინელებმა ამერიკელებიც მოატყუონ, მაშინ, ვფიქრობ, ტრამპის ადმინისტრაციას ყველაფერი მშვენივრად ესმის და ყველაფერში გაერკვევა“, – აღნიშნა სერგეი ლავროვმა.
