აშშ-ის სახელმწიფო მდივანმა მარკო რუბიომ 12 მარტს განაცხადა, რომ რუსეთსა და უკრაინას შორის ცეცხლის შეწყვეტა შესაძლოა რამდენიმე დღეში დაიწყოს, თუ რუსეთი თანხმა იქნება. იუწყება The New York Times
რუბიომ თქვა, რომ თუ რუსების პასუხი ერთთვიანი ცეცხლის შეწყვეტის შესახებ წინადადებაზე უარყოფითი იქნება, ეს იქნება ძალიან იმედგაცრუება, „და გზავნილი მათ განზრახვებზე“.
„ჩვენ გვსურს, რომ მსოფლიო რამდენიმე დღეში ასე გამოიყურებოდეს: არავითარი სროლა ერთმანეთის წინააღმდე - არც ჭურვები, არც რაკეტები, არც ტყვიები, არც არტილერია“, - განუცხადა რუბიომ ჟურნალისტებს, როდესაც საუდის არაბეთიდან კანადისკენ მიმავალი მისი თვითმფრინავი ირლანდიაში საწვავის შესავსებად გაჩერდა.
”სროლა ჩერდება, საომარი მოქმედებები ჩერდება და მოლაპარაკებები იწყება”, - თქვა მან.
რუბიომ აღნიშნა, რომ როდესაც გასულ თვეში ის და აშშ-ის დელეგაციის სხვა წევრები შეხვდნენ რუს ოფიციალურ პირებს საუდის არაბეთში, რუსები მზად იყვნენ ომის დასრულების საკითხთან დაკავშირებით მოლაპარაკებისთვის.
„მათ გამოთქვეს მზადყოფნა შესაბამის გარემოებებში, რომელიც არ დაუკონკრეტებიათ, ბოლო მოეღოს ამ კონფლიქტს“, - განაცხადა რუბიომ.
