BBC-ის წყაროების თანახმად, სამი ევროპული ქვეყანა უშუალოდ ეხმარებოდა უკრაინასა და აშშ-ს, რათა ორ ქვეყანას შორის საუდის არაბეთში მოლაპარაკებები შემდგარიყო.
ბრიტანეთის მთავრობის წყაროებმა BBC-ს განუცხადეს, რომ პრემიერ-მინისტრის მრჩეველი ეროვნული უსაფრთხოების საკითხებში, ჯონათან პაუელი, მუშაობდა ამერიკელ კოლეგა, მაიკ უოლცთან, ასევე გერმანელ და საფრანგეთის ოფიციალურ პირებთან გასული კვირის განმავლობაში ცეცხლის შეწყვეტის გეგმისა და შესაძლო შემდგომი ნაბიჯების შემუშავებაზე.
შაბათ-კვირას პაუელი გაემგზავრა კიევში, რათა შეხვედროდა ზელენსკის და დაეხმარა წერილობითი წინადადების შემუშავებაში, რომელიც მოიცავდა საომარი მოქმედებების დროებით შეჩერებას. გარდა ამისა, BBC-ის წყაროების ცნობით, დოკუმენტი ასევე მოიცავდა სხვა ღონისძიებებს, როგორიცაა სამხედრო ტყვეების გაცვლა, რუსეთის მიერ ტყვედ ჩავარდნილი უკრაინელი ბავშვების დაბრუნება და მშვიდობიანი მოსახლეობის გათავისუფლება.
საუდის არაბეთში გამართული მოლაპარაკებების შემდეგ, უკრაინისა და აშშ-ის დელეგაციების ერთობლივი განცხადება გამოქვეყნდა, რომლის თანახმადაც, უკრაინა ცეცხლის 30-დღიანი შეწყვეტისთვის მზადაა, აშშ კი განაახლებს სადაზვერვო ინფორმაციის გაზიარებასა და უკრაინის სამხედრო დახმარებას.
