აშშ-ს მთავრობის ეფექტიანობის დეპარტამენტის ხელმძღვანელისა და SpaceX-ის, Tesla-ს და X-ის მფლობელის, ილონ მასკი უარყოფს Reuters-ის გავრცელებულ ინფორმაციას, რომ მინერალებზე შეთანხმებაზე უარის შემთხვევაში კიევს, შესაძლოა, Starlink-ის ინტერნეტზე წვდომა შეეზღუდოს.
ამის შესახებ მასკი X-ზე წერს.
"ეს მცდარია. Reuters იტყუება. მათ მხოლოდ AP (Associated Propaganda) უსწრებს, როგორც მატყუარა ტრადიციულ მედიას". - წერს მასკი.
შგახსენებთ, Reuters-მა გაავრცელა ინფორმაცია, რომლის თანახმად, აშშ განიხილავს უკრაინის გათიშვას ილონ მასკის სატელიტური ინტერნეტ-სისტემა Starlink-იდან თუ უკრაინა წიაღისეულზე შეთანხმების გაფორმებას აარ დათანხმდება.
ამასთან, პოლონეთის ვიცე-პრემიერმა კშიშტოფ გავკოვსკიმ განაცხადა, რომ შესაძლებლად არ მიაჩნია უკრაინაში Starlink-ის სატელიტური საკომუნიკაციო ტერმინალების გათიშვა, რომლის საფასურსაც პოლონური მხარე იხდის.
გავკოვსკიმ აღნიშნა, რომ პოლონეთმა Starlink-ის შეძენილი ტერმინალები უკრაინას გადასცა და გააგრძელებს უკრაინის სატელიტური ინტერნეტის სააბონენტო გადასახადის გადახდას.
