ამერიკელმა სამხედროებმა იემენში ჰუსიტების სამეთაურო-საკონტროლო ობიექტზე საჰაერო თავდასხმა განახორციელეს.
ამის შესახებ აშშ-ის ცენტრალურმა სარდლობამ განაცხადა.
სარდლობის ინფორმაციით, 16 დეკემბერს ზუსტი ავიადარტყმა განახორციელდა ირანის მიერ მხარდაჭერილი ჰუსიტების ძირითად სამეთაურო პუნქტზე, რომელიც წითელი ზღვის სამხრეთ ნაწილსა და ადენის სრუტეში ამერიკულ სამხედრო გემებსა და სხვადასხვა ქვეყნის სამოქალაქო სატვირთო გემებზე თავდასხმების კოორდინირების ცენტრი იყო.
წითელ ზღვასა და ადენის ყურეში კომერციულ გემებზე თავდასხმების საპასუხოდ შეერთებულმა შტატებმა და დიდმა ბრიტანეთმა განმეორებით იემენში ჰუსიტების სამიზნეებზე წლის დასაწყისიდან არაერთი დარტყმა განახორციელეს.
ჰუსიტები, რომლებიც იემენის ტერიტორიის მნიშვნელოვან ნაწილს, მათ შორის დედაქალაქ სანას აკონტროლებენ, მტრად მიიჩნევენ ისრაელს, აშშ-ს და საუდის არაბეთს და აცხადებენ, რომ გემებზე თავდასხმები გაგრძელდება, ვიდრე ისრაელი ომს არ შეწყვეტს. ჰუსიტების წინააღმდეგ მოქმედებს საერთაშორისო კოალიცია, რომელსაც აშშ ხელმძღვანელობს.
