ვისკონსინის შტატის ქალაქ მედისონში კერძო ქრისტიანულ სკოლაში, მომხდარი სროლის შედეგად სამი ადამიანი დაიღუპა, მათ შორის ერთი მასწავლებელი და მოსწავლე და თავად თავდამსხმელი - 17 წლის მოსწავლე . იუწყება The Associated Press
დაჭრილია კიდევ 6 ადამიანი.
ორი დაჭრილის მდგომარეობა მძიმეა, კიდევ ოთხმა საშუალო ან მსუბუქი დაზიანებები მიიღო.
სამართალდამცველები აცხადებენ, რომ თავდამსხმელის მოქმედების მოტივი უცნობია.
პოლიციამ სასწავლო დაწესებულებაში სროლის შესახებ შეტყობინება ადგილობრივი დროით დილის 10:57 საათზე მიიღო. ამასთან, მედისონის პოლიციაში აცხადებენ, რომ ადგილზე მისულ სამართალდამცველებს იარაღი არ გამოუყენებიათ და ცეცხლი არ გაუხსნიათ.
