უკრაინის პრეზიდენტმა ვოლოდიმირ ზელენსკიმ კიევში გამართულ პრესკონფერენციაზე განაცხადა, რომ 2024 წლის ნოემბერში დაგეგმილი გლობალური მშვიდობის სამიტის ორგანიზატორები რუსეთის მოწვევას აპირებენ.
გარდა ამისა, იალტის ევროპული სტრატეგიის ყოველწლიური შეხვედრის წინ გამართულ პრესკონფერენციაზე, ზელენსკიმ განაცხადა აშშ-ის პრეზიდენტთან ჯო ბაიდენთან სექტემბერში ახალი შეხვედრის შესახებ, რათა წარადგინოს რუსეთის მიერ დაწყებული ომის დასრულების "გამარჯვების გეგმა".
უკრაინის პრეზიდენტის თქმით, მისი წინადადება მოიცავს „ერთმანეთთან დაკავშირებულ გადაწყვეტილებების სისტემას, რომელიც მისცემს უკრაინას საკმარის ძალას, რათა ეს ომი მშვიდობისკენ წარმართოს“.
ივლისის დასაწყისში Bloomberg-მა გაავრცელა ინფორმაცია, რომ უკრაინა ცდილობდა, ჯერ კიდევ 2024 წლის ნოემბერში დაგეგმილ აშშ-ს საპრეზიდენტო არჩევნებამდე, ჩაეტარებინა ახალი კონფერენცია რუსეთთან სამხედრო კონფლიქტის სამართლიანი, მშვიდობიანი მოგვარების მისაღწევად და რუსეთის ფედერაციის მიწვევას.
უკრაინის ხელისუფლების განზრახვა, გამართოს შეხვედრა ამერიკის არჩევნებამდე, დაკავშირებულია „დონალდ ტრამპის თეთრ სახლში დაბრუნების პერსპექტივასთან“, რომელიც ამბობს, რომ არჩევნებში გამარჯვების შემთხვევაში „უკრაინაში ომს შეაჩერებს“ ჯერ კიდევ პრეზიდენტის თანამდებობის ოფიციალურად დაკავებამდე.
რუსეთის საგარეო საქმეთა მინისტრის მოადგილემ მიხაილ გალუზინმ რუსულ მედიას განუცხადა, რომ რუსეთი „არ აპირებს“ მონაწილეობას ისეთ ღონისძიებებში, როგორიცაა უკრაინის სამშვიდობო სამიტი.
მისი თქმით, პოტენციური შეხვედრის შინაარსი „უკიდურესად ნათელია“, რადგან ის ყურადღევას გაამახვილებს უკრაინის სამშვიდობო ფორმულაზე და უგულებელყოფს სხვა ინიციატივებს.
