რუსეთის პრეზიდენტის პრესსპიკერმა, დმიტრი პესკოვმა განაცხადა, რომ კრემლში უნგრეთის პრემიერ-მინისტრის ვიქტორ ორბანის კიევში ვიზიტთან დაკავშირებით მოლოდინები არ აქვთ.
უნგრეთის პრემიერის კიევში ვიზიტამდე ბუდაპეშტი მოსკოვს არ დაკავშირებია.
„გასაგებია, რომ უნგრეთმა, რომელიც ევროკავშირის საბჭოს თავმჯდომარე ქვეყანა გახდა, რა თქმა უნდა, უნდა შეასრულოს თავისი ფუნქციები, ამიტომ, ამ შემთხვევაში, ვფიქრობ, ეს ბრიუსელის ინტერესების მიმართ პასუხისმგებლობაა და არა უნგრეთის ეროვნული ინტერესების“, - განაცხადა პესკოვმა.
ამავე დროს, პესკოვმა აღნიშნა, რომ ორბანი "ცნობილია, როგორც პოლიტიკოსი, რომელმაც იცის როგორ დაიცვას მტკიცედთავისი ქვეყნის ინტერესები".
