საქართველოს პრეზიდენტი უკრაინასა და მოლდოვას ევროკავშირში გაწევრიანების გზაზე, მოლაპარაკებების დაწყებას ულოცავს და იმედოვნებს, რომ საქართველოც მალე შეუერთდება მათ რიგებს.
"ვულოცავ უკრაინას და მოლდოვას ამ ეტაპს ევროკავშირში ინტეგრაციის გზაზე!
გულწრფელი მილოცვა პრეზიდენტ ზელენსკის და პრეზიდენტ მაია სანდუს ამ მნიშვნელოვან მიღწევაზე
დარწმუნებული ვარ, ევროპელი ქართველი ერი მალე თქვენს რიგებს შეუერთდება" - სალომე ზურაბიშვილი.
ევროკავშირის ელჩებმა უკრაინისა და მოლდოვის გაწევრიანებაზე მოლაპარაკებების ჩარჩო ფორმატი შეათანხმეს. ქვეყნების EU-ში გაწევრიანებაზე მოლაპარაკებები 25 ივნისს დაიწყება.
